Petropavlda meıramhanada tútinniń neden shyqqany anyqtaldy
PETROPAVL. QazAqparat - Petropavldaǵy meıramhanalardyń birin ventıllıatsııa qubyrynda jınalǵan maıdyń janýy saldarynan tútin basty, dep habarlaıdy QazAqparat tilshisi.
«Samovar» meıramhanasynyń ekinshi qabaty keshki segizder shamasynda qoıý tútinge orandy. Oǵan ventıllıatsııa qubyrynda jınalǵan maıdyń janýy sebep bolǵan. Órt sóndirýshiler kelgenshe meıramhana jumysshylary 16 adamdy evakýatsııalap úlgergen. Oqıǵa ornyna 27 órt sóndirýshi men 9 tehnıka jumyldyryldy», - deıdi SQO TJD baspasóz qyzmetiniń ókilderi.
Eske sala keteıik, 2 sáýir kúni keshkisin Petropavldaǵy meıramhanadan qonaqtar evakýatsııalanǵany týraly habarlanǵan bolatyn.
