Petropavlda merekelik dekoratsııa jas qyzdy basyp qaldy
PETROPAVL. QazAqparat - Petropavl ortalyǵynda merekege arnalyp qurylǵan dekoratsııa jas qyzdyń ústine qulady, dep habarlaıdy QazAqparat tilshisi.
Qazaqstan Konstıtýtsııasy kóshesindegi kórneki arka sol mańnan ótip jatqan qyzdyń ústine qulady. Jábirlenýshi jedel aýrýhanaǵa jetkizilgen.
Petropavl densaýlyq saqtaý basqarmasynyń baspasóz qyzmetiniń habaryna qaraǵanda, qyz №3 qalalyq aýrýhananyń travmatologııalyq bólimindejatyr, jaǵdaıy aýyr.
Konstrýktsııanyń qulaýyna kúshti jel sebep bolýy múmkin. Eske sala keteıik, óńirde 19-20 naýryzda aýa raıyna baılanysty eskertý jarııalanǵan bolatyn.
