Petropavlda merdigerler joldy qaıta jóndeıtin boldy
PETROPAVL. QazAqparat – Petropavlda jeke sektordaǵy jáne saıajaı qaýymdastyqtaryna aparar joldar jónge keltirilip jatyr, dep habarlaıdy QazAqparat tilshisi.
Petropavl qalalyq turǵyn úı-kommýnaldyq sharýashylyǵy jáne jolaýshylar kóligi, avtomobıl joldary bólimi baspasóz qyzmetiniń málimetinshe, Jumysshy kentinde, «Bereke», «Jas órken» yqshamaýdandarynda jáne Solnechnyı kentinde 50 shaqty kósheniń joly tegisteledi.
Budan basqa merdiger kompanııalar byltyr joldardy jóndeý kezinde jibergen olqylyqtardy joıatyn bolady. Bólimniń mamandary keshendi tekseris júrgizip, birneshe joldyń sapasyz istelgenin anyqtady. Sonyń ishinde Chaıkın, Kalıýjnaıa, Petrov, Irtyshskaıa, Gýdenko, Molodogvardeets, Morozov, Mınskaıa, Tselınnyı, Koshevoı, Zarechnoı-1, Tań-Sholpan, Dýlskıı, Áýezov, Dobrolıýbov, Rıjskıı, Krylov, Lomonosov, Novıtskıı jáne Sofronov kóshelerinde shuńqyrlar tabylyp, qıyrshyq tastyń tóselmegeni anyqtaldy. Merdigerlerge bir aıdyń ishinde olqylyqty joıý qajettigi jóninde habarlama jiberildi.
