Petropavlda «Memlekettik til jáne qazaqstandyq otansúıgishtik - básekege qabiletti memleketti qurý faktory» atty jıyn ótedi
ASTANA. 9 qarasha. QazAqparat - 11 qarashada M.Qozybaev atyndaǵy Soltústik Qazaqstan memlekettik ýnıversıtetinde «Memlekettik til jáne qazaqstandyq otansúıgishtik - básekege qabiletti memleketti qurý faktory» atty respýblıkalyq ǵylymı-tájirıbelik konferentsııa ótedi,
dep habarlady oqý ornynyń baspasóz qyzmetinen.
«Memlekettik tildi damytý baǵdarlamasy aıasynda «Qazaqstan áleýmettik tehnologııalar ortalyǵy» qoǵamdyq qory men M.Qozybaev atyndaǵy Soltústik Qazaqstan memlekettik ýnıversıteti Qazaqstan Respýblıkasynyń Bilim jáne ǵylym mınıstrliginiń qoldaýymen 2011 jyldyń 11 qarashasy kúni «Memlekettik til jáne qazaqstandyq otansúıgishtik - básekege qabiletti memleketti qurý faktory» atty respýblıkalyq ǵylymı-tájirıbelik konferentsııa ótkizedi», - delingen habarlamada.
Іs-shara maqsaty memlekettik tildiń bedelin turaqtandyrý men jaqsartýǵa yqpal jasaý, qaýymdastyqtyń nazaryn qoǵamnyń mádenı deńgeıin arttyrý máselesine aýdarý, tilderdi qoldaný men damytý memlekettik baǵdarlamasyn qoldaý, Qazaqstannyń mádenı murasyn saqtaý, otansúıgishtikti, moraldyq normalar men erejelerdiń, adamgershiliktiń, izgi nıettilik pen tózimdiliktiń ıdealdarynan turatyn úzdik dástúrlerin damytý.
Konferentsııaǵa Qazaqstan Respýblıkasynyń Bilim jáne ǵylym mınıstrliginiń ókilderi, respýblıkamyzdyń joǵary oqý oryndarynyń oqytýshylary men stýdentteri, oblystyq jáne aýdandyq uıymdar men mekemelerdiń mamandary men jetekshileri qatysady.
