Petropavlda memlekettik qyzmetshiler naýryzǵa oraı erekshe chellendj bastady

PETROPAVL. QazAqparat – Petropavlda memlekettik qyzmetshiler Naýryz merekesine oraı bir apta boıy jumysqa ulttyq kıimder kıedi, dep habarlaıdy QazAqparat tilshisi.

Petropavl qalasy ákiminiń baspasóz hatshysy Rýfııa Mustafınanyń aıtýynsha, ıdeıanyń avtory – qala ákimi Bolat Jumabekov. Naýryz meıramyna oraı memlekettik qyzmetshiler klassıkalyq kıim úlgisin ulttyq naqyshtaǵy kıim-keshekke aýystyrdy. Chellendjdi bastaǵan qalalyq ákimdik qyzmetkerleri osylaısha qazaqtyń oıý-órnegi bar qamzol-qapetti bir apta boıy kımek.

«Biz ózimiz ǵana kıip qoımaı, áriptesterimizdi de ulttyq kıim kııýge shaqyryp, chellendj bastadyq. Máselen ákim orynbasarlary aýdan ákimderiniń orynbasarlaryna, bólim basshylary óz áriptesterine, men oblys ákiminiń baspasóz hatshysyna joldadym», - deıdi Rýfııa Mustafına.

Pandemııaǵa baılanysty Petropavlda bıyl da Naýryz meıramynda halyq kóp shoǵyrlanatyn oıyn-saýyqtyq baǵdarlamalarǵa tyıym salynbaq. Mamannyń aıtýynsha, merekelik is-sharalar negizinen onlaın uıymdastyrylatyn bolady.