Petropavlda memlekettik qyzmetkerler kólden bir tonna qoqys shyǵardy
Petropavl. QazAqparat - Memlekettik qyzmet isteri jáne sybaılas jemqorlyqqa qarsy is-qımyl departamentiniń 35 qyzmetkeri Petropavldaǵy Pestroe kóliniń jaǵasyn tazalaýǵa shyqty, dep habarlaıdy QazAqparat tilshisi.
Mekemeniń baspasóz qyzmetiniń habarlaýynsha, departament memlekettik qyzmet organdarynyń jıyrma jyldyǵyna oraı «20 qaıyrymdy is» aktsııasyn ótkizip jatyr. Kóldiń jaǵasyn sanıtarlyq tazalaý da osy sharalardyń birine aınalyp otyr.
Departament qyzmetkerleri kóldiń 2 kılometrdeı aınalasyn tazalady, 1 tonna qoqys jınady.
«Taza jaǵalaý» sharasy kólimizdiń lastanýynan túbegeıli qutqarmaıdy, alaıda qala turǵyndaryna jaqsy úlgi kórsetip, tazalyq máselesine nazaryn aýdartady», - dep senimin bildirdi baspasóz qyzmetindegiler.
Bul aktsııadan bólek, departament jalǵyzbasty analar kishkentaı 4 balany jalǵyz ózderi asyrap jatqan kópbalaly otbasylarǵa ataýly kómek kórsetip, Uly Otan soǵysy ardageriniń úıiniń mańaıyna aǵash otyrǵyzyp berdi jáne qaıyrymdylyq kontsertin ótkizdi.
