Petropavlda mektep býhgalteri 700 myń teńge jymqyrǵan
Bıýdjet qarajatyn jymqyrý deregine qatysty qylmystyq quqyq buzýshylyqtyń sebep-saldaryn joıý máselesi Petropavldaǵy «Antıkor ortalyǵy» servıstik ortalyǵynyń alańynda talqylandy.
Soltústik Qazaqstan oblysynyń sybaılas jemqorlyqqa qarsy qyzmetinde málimdegendeı, 2019 jylǵy aqpan-jeltoqsan aralyǵynda E.V. Gadetskaıa óziniń qyzmettik ókilettigin jeke maqsatynda paıdalanǵan. Ol jumystaǵy derbes kompıýteri arqyly «1S Kásiporyn bıýdjet KZ» baǵdarlamasyna kórineý jalǵan málimetter engizgen.
«E.V. Gadetskaıanyń paıdasyna zańsyz aýdarýǵa arnalǵan jalǵan somalar kórsetilgen tizimdi, mekeme esepshisi G.S. Qangojına basqa tólemdermen birge dırektor L.J. Jalmuqanovanyń bekitýine usynyp otyrǵan. Mektep dırektorynyń býhgalterlik esep jumysynda jetkilikti tájirıbesi joq. Ol usynylǵan málimetterdiń durys-burystyǵyna kúmándanbaı, qol qoıýǵa usynylǵan elektrondyq tólem shotynyń derekterin bekitip otyrǵan», - dep habarlady Sybaılas jemqorlyqqa qarsy qyzmet basshysynyń orynbasary Maksım Ganja.
Sot-ekonomıkalyq saraptama qorytyndysy boıynsha, 2019 jylǵy qańtar-jeltoqsan aralyǵyndaǵy kezeńde bas býhgalterge tólenýge tıis jalaqy men Gadetskaıanyń jeke shotyna aýdarylǵan qarajat somasy arasyndaǵy aıyrmashylyq 758 238 teńgeni qurady.
Qylmystyq is taraptardyń tatýlasýyna baılanysty toqtatyldy. Keltirilgen materıaldyq shyǵynnyń orny tolyq toltyryldy.
Mamandardyń pikirinshe, bıýdjet qarajatynyń urlanýyna jáne sol arqyly memleketke zalal keltirilýine mektep basshylyǵynyń óz qyzmettik mindetterin tıisinshe oryndamaýy sebep bolǵan.