Petropavlda mehbrıgadalar 18 úıdi jóndep jatyr

PETROPAVL. KAZINFORM – SQO ákimi Ǵaýez Nurmuhambetov Oıqalada ornalasqan shtabta jedel keńes ótkizip, tasqyn zardaptaryn joıý boıynsha jaýapty basshylar men bekitilgen aýdandar ákimderi orynbasarlarynyń esebin tyńdady. 

Qazir Oıqala men Bylǵary kentinde aýdandardyń mehbrıgadalary 18 úıdi jóndep jatyr. Sondaı-aq aýlalar men jertólelerden sý sorylyp, kósheler tazartylyp, qoqys shyǵarý jumystary júrgizilip jatyr.

Oıqala men Bylǵary kentinde bógetter arqyly 79 joǵary ónimdi nasos táýligine 300 myń sýdy sordy. Bul jumystar sý basqan aýdandar tolyǵymen qurǵaǵansha jalǵasady.

Sondaı-aq aralaý barysynda óńir basshysy Zarechnyı kentinde boldy. Munda sý deńgeıi tómendep keledi. Keshe 4 aýdannan brıgadalar kelip, kósheler men úılerdi qalpyna keltirý jáne tazalaý jumystary bastalǵan. 

Buǵan deıin habarlaǵanymyzdaı, Petropavlda bir aı buryn joǵalǵan qala turǵynynyń denesi tasqyn sý basqan yqsham aýdannan tabyldy.