Petropavlda mas júrgizýshi turǵyn úıge baryp soǵyldy
PETROPAVL. QazAqparat – Petropavlda alkogoldik ishimdik ishken mas júrgizýshi turǵyn úıge soǵyldy, dep habarlaıdy QazAqparat tilshisi.
Polıtsııa departamenti baspasóz qyzmetiniń aqparaty boıynsha, oqıǵa «Bereke» shaǵyn aýdanynda túngi ýaqytta bolǵan. 41 jastaǵy «Lada-Largýs» júrgizýshisi rýldi ıgere almaı, turǵyn úıge soǵylǵan. Eshkim zardap shekpedi. Saraptama er adamnyń orta deńgeıde mas bolǵanyn kórsetti.
Polıtseıler túnde birden eki mas júrgizýshini toqtatqan. Onyń biri - 28 jastaǵy Petropavl turǵyny qala ortalyǵynda kólikti qatty jyldamdyqpen júrgizse, ekinshisi – 29 jastaǵy er adamdy «Aısberg» saýda úıine qarsy bette rýldi mas kúıde tizgindegeni úshin ustady.
Polıtseıler oblysta eki kún ishinde 24 mas júrgizýshini anyqtap, jaýapqa tartty.
