Petropavlda mas kúıinde jol apatyn jasaǵan polıtsııa kapıtany qyzmetinen qýyldy
PETROPAVL. 13 qarasha. QazAqparat - Petropavlda mas kúıinde kólikke otyryp, jol apatynyń oryn alýyna sebepker bolǵan polıtsııa kapıtany ishki ister organdaryndaǵy qyzmetinen bosatyldy,
dep habarlady oblystyq ishki ister departamentiniń baspasóz qyzmetinen.
Polıtsııa qyzmetkerleri qyzmettik-áskerı tártipti buzýshylardy anyqtaýǵa baǵyttalǵan reıd sharalarynyń barysynda «Mersedes» avtokóligin ustady. Sheteldik kóliktiń júrgizýshisi - Petropavl qalasy ІІB krımınaldyq polıtsııa bóliminiń operatıvtik qyzmetkeri ózine «kólikten shyǵyp, qujattaryńdy kórset» degen polıtseıdiń buıryǵyna baǵynbaı, qashyp ketpekke árekettengen.
Mastyqtan eki kózi tumandanǵan ol eki qala turǵynyn qaǵyp ketken. Eki áıel de alǵan jaraqattaryna baılanysty medıtsınalyq kómek suraýǵa májbúr bolǵan.
Operatıvtik qyzmetker kóligin kóshede qaldyryp, jasyrynbaq bolǵan, alaıda ony jol kúzeti qyzmeti batalonynyń qyzmetkerleri ustady. Atalǵan fakti boıynsha qyzmettik tergeý taǵaıyndaldy, onyń barysynda qalalyq ІІB-nyń atalǵan qyzmetkeri kólikti mas kúıinde júrgizgeni úshin aqpan aıynda júrgizýshi kýáliginen aıyrylǵany anyqtaldy. Endi onyń ústine jol apaty qosyldy.
SQO ІІD tártiptik komıssııasynyń sheshimimen polıtsııa kapıtany Jiger Hamzın ishki ister organyndaǵy qyzmetinen bosatyldy. Atalǵan fakti boıynsha ákimshilik materıal jınalyp, ol zańdy sheshim qabyldanýy úshin sotqa tapsyryldy.
