Petropavlda mas kúıde sirke sýyn ishken eki adam reanımatsııada jatyr
PETROPAVL. KAZINFORM – Petropavlda mas kúıde sirke sýyn iship, ózine qol jumsamaq bolǵan ekeýdiń ómiri úshin dárigerler kúresip jatyr.
Kópbeıindi qalalyq jedel medıtsınalyq járdem aýrýhanasynyń málimetinshe, bireýi – 49 jastaǵy er adam, ekinshisi – 47 jastaǵy áıel. Aýrýhanaǵa aýyr jaǵdaıda túsken olar jansaqtaý bólimine jatqyzyldy.
Dárigerlerdiń aıtýynsha, buǵan deıin olar 52 jastaǵy syrqatty aıaqqa turǵyzǵan.
Emdeý mekemesine óte aýyr kúıde túsken er adam kómekke júginerdiń aldynda 1 saǵat buryn alkogolge mas kúıde jáne sýıtsıd jasaý maqsatynda 70% sirke qyshqylyn iship qoıǵan.
– Er adam daýysqa jaýap bermedi. Tynys alýy nashar bolǵandyqtan, reanımatologtar patsıentti ókpeni jasandy jeldetý apparatyna qosty. Sol ýaqytta shokqa qarsy, ınfýzııalyq terapııa júrgizilip jatty, ómirlik mańyzdy kórsetkishteri táýlik boıy baqylandy, - deıdi mamandar.
Sirke qyshqylyn ishken onyń aýzynyń, jutqynshaǵynyń, óńesh pen asqazannyń, ash ishektiń shyryshty qabyǵy hımııalyq kúıik alǵan. Buǵan qosa er adamǵa «alkogoldik entsefalopatııa» dıagnozy qoıyldy. ıAǵnı uzaq ýaqyt jáne shamadan tys alkogol tutynýdyń saldarynan mı jasýshalary zaqymdanyp, aýyr nevrologııalyq aýrýǵa shaldyqqan.
Syrqat bes táýlik boıy dáriger men meıirgerlerdiń turaqty baqylaýymen reanımatsııada jatty. Jaǵdaıy turaqtanǵan soń terapııa bólimshesine aýystyryldy, onda beıindi dárigerler emdeýdi jalǵastyrdy.
Emniń nátıjesinde 10-shi táýlikte jaǵdaıy jaqsardy, ıntoksıkatsııa belgileri joıyldy. Dárigerlerdiń usynysyna qaramastan, er adam odan ári emdelýden bas tartty.
– 70% sirke qyshqyly – ishki aǵzany qatty kúıdiretin qaýipti hımııalyq zat. Alkogol ishken jaǵdaıda adam ózin-ózi baqylaýdan qalady, sol sebepti oılanbaı áreket etýi múmkin. Eger jan dúnıeńizde aýyrtpalyq bolsa, jaqyndaryńyzdan kómek surańyz nemese maman kómegine júginińiz. Al ýlanǵan jaǵdaıda ár mınýt qymbat, ondaı kezde dereý jedel járdem shaqyrý qajet, - deıdi kópbeıindi qalalyq jedel medıtsınalyq járdem aýrýhanasynyń dárigerleri.
Buǵan deıin Shymkentte dárigerler bıikten qulaǵan naýqasqa sırek kezdesetin ota jasaǵanyn jazǵan edik.