Petropavlda manıpýlıator soqqan jeńil kóliktegi 3 bala men 2 eresek zardap shekti
PETROPAVL. QazAqparat – Petropavlda manıpýlıator kóligi men jeńil mashına soqtyǵysyp, saldarynan 5 adam túrli dene jaraqatyn aldy, dep habarlaıdy QazAqparat tilshisi.
Petropavl qalalyq polıtsııa basqarmasynyń málimetinshe, jol-kólik oqıǵasy 29 shilde kúni saǵat 20.30 shamasynda bolǵan. Isuzu markaly manıpýlıator Jas Órken yqsham aýdanyndaǵy Petropavlǵa kire beristegi (manıpýlıator) aınalma qozǵalysta sol jaqtan kele jatqan Audi kóligine soǵylǵan.
Audi kóligindegi 7, 2,1 jasar úsh bala, 64 jastaǵy jolaýshy jáne 35 tegi kólik júrgizýshisi jaraqat aldy. Olardyń ekeýi aýrýhanaǵa jatqyzyldy, qalǵanyna alǵashqy medıtsınalyq kómek kórsetilip, úıine jiberildi.
Medıtsınalyq kýálandyrý manıpýlıator júrgizýshisiniń ishimdik ishpegenin kórsetti. Manıpýlıator arnaıy avtoturaqqa qoıyldy.
Jol-kólik oqıǵasyna qatysty jınalǵan materıal protsessýaldy sheshim qabyldanýy úshin Petropavl qalalyq polıtsııa basqarmasynyń ákimshilik bólimine jiberildi.
