Petropavlda makaron óndiretin kásiporynda jumysshy mert boldy
PETROPAVL. KAZINFORM — Kásiporyn jumysshysy nan ıleıtin qondyrǵyny tazalap jatqan kezde, apparat qosylyp ketken.
Memlekettik eńbek ınspektsııasy komıtetiniń Soltústik Qazaqstan oblysy boıynsha departamentiniń málimetinshe, oqıǵa búgin 12 qazanda saǵat 03:00 shamasynda Petropavldaǵy Trýd kóshesi boıynda ornalasqan óndiris nysandarynyń birinde boldy.
Kásiporynnyń óndiristik jelisi qamyr ıleıtin apparatty ishindegi qamyr qaldyqtarynan tazartý úshin toqtatylǵan. Osy kezde presteýshi bolyp jumys istegen er adam jabdyqtyń ishki bóligin tazalaýǵa kirisken. Alaıda jumys barysynda apparattyń qalaqtary men bilikteri iske qosylyp, jumysshyny ishine tartyp ketken. Alǵan jaraqattarynan er adam oqıǵa ornynda kóz jumdy.
Jazataıym oqıǵa memlekettik eńbek ınspektsııasynyń baqylaýyna alyndy. Tergep-tekserý jónindegi arnaıy komıssııa qurylyp, qazirgi ýaqytta jumys istep jatyr.
Atalǵan fakti boıynsha polıtsııa eńbek qaýipsizdigi qaǵıdalaryn buzý saldarynan adam ólimine ákep soqqan jaǵdaıǵa qatysty qylmystyq is qozǵady.
— Óndiristik qondyrǵynyń ishine qulaý saldarynan kásiporynnyń 35 jastaǵy jumysshysy aýyr jaraqattar alyp, kóz jumdy. Qazirgi ýaqytta oqıǵanyń barlyq mán-jaıyn jan-jaqty ári obektıvti anyqtaýǵa baǵyttalǵan tergeý amaldary júrgizilip jatyr, — dedi SQO Polıtsııa departamenti baspasóz qyzmetinen.
Buǵan deıin Astanada 15-qabatta kondıtsıoner ornatqan jigittiń aıaǵy taıyp, kronshteınge ilinip qalǵanyn jazǵan edik.
