Petropavlda mádenıet úıiniń dırektory para aldy degen kúdikpen tergelip jatyr
Soltústik Qazaqstan oblysy boıynsha sybaılas jemqorlyqqa qarsy qyzmettiń basshysy Sergeı Perov Petropavl qalalyq mádenıet úıi dırektorynyń ústinen qylmystyq is qaralyp jatqanyn rastady. Qazirgi ýaqytta sybaılas jemqorlyq qylmystar jasaý faktisi boıynsha mádenıet salasynyń laýazymdy tulǵasyna qatysty sotqa deıingi tergeý júrgizilýde.
«Laýazymdy tulǵa jalpy somasy 8 mln teńgege memlekettik satyp alý týraly shart boıynsha oryndalǵan jumystardyń aktilerine kedergisiz qol qoıǵany úshin kásipkerlik sýbektisinen 454 myń teńge mólsherinde para aldy dep kúdikke ilindi.
Budan basqa, joǵaryda atalǵan laýazymdy tulǵanyń memlekettik satyp alýdyń kúshin joıý týraly buıryqty zańsyz shyǵarǵany jáne baǵa usynysy baıqaý jeńimpazynyń usynysynan 2 ese derlik asyp túskeni, konkýrstyń basqa qatysýshysymen shart jasasý jolymen zańdy kásipkerlik qyzmetke kedergi jasaý faktisi anyqtaldy», - delingen Sergeı Perovtyń jaýabynda.
Ózge aqparat QR QPK-niń 201-babyna sáıkes jarııa etýge jatpaıdy.
Kúdiktilerdiń kinásin sot anyqtaıdy.
