Petropavlda qyzyl jalynǵa oranǵan úıden 40 adam kóshirildi, zardap shekkender bar - QR TJM
ASTANA. 2 sáýir. QazAqparat - QR TJM baspasóz qyzmetiniń habarlaýynsha, Petropavlda tilsiz jaý jalmaǵan úıden 40 adam qaýipsiz jerge shyǵaryldy, zardap shekkender arasynda balalar bar.
1 sáýir kúni Petropavlda úsh qabatty turǵyn úı órtke orandy. Tilsiz jaý 24 sharshy metr aýmaqty sharpydy. Kóp qabatty baspanadan 40 adam qaýipsiz jerge kóshirildi.
Órttiń saldarynan 1951 jáne 1955 jyldary týǵan eki áıel, sondaı-aq 3 jáne 8 jasar eki bala ysty gazǵa ýlaný belgilerimen aýrýhanaǵa jetkizildi.
Jalyndy aýyzdyqtaýǵa QR TJM SQO boıynsha TJD órt sóndirý qyzmetiniń 18 adamy men 3 tehnıkasy jumyldyryldy.
