Petropavlda qylmys jasaýǵa beıim 162 oqýshy esepke alynǵan
Petropavl qalalyq ákimdiginiń málimetinshe, bıylǵy alǵashqy jartyjyldyqta qala mektepterinde 20 qylmys jasalǵan.
Sonyń 12-si jasóspirimderge qatysty bolsa, 8-in balalardyń ózderi jasaǵan.
«Qylmystar mynadaı baǵyttar boıynsha jasaldy, ıaǵnı 7-ýi - densaýlyqqa qasaqana aýyr zııan keltirý, alaıaqtyq, ekeýi – seksýaldyq sıpattaǵy zorlyq-zombylyq, 8-i kámelettik jasqa tolmaǵandarmen jynystyq qarym-qatynasqa barý, ekeýi - balalardyń qatysýymen bolǵan jol-kólik oqıǵalary, sonyń bireýi ólimmen aıaqtaldy jáne 7 jaǵdaıda jasóspirimder úıden ketip qalǵan. Jynystyq ozbyrlyqqa qatysty barlyq faktiler mektep keńesterinde jáne kámeletke tolmaǵandar isi jáne olardyń quqyǵyn qorǵaý boıynsha qalalyq komıssııada qaraldy. Sot otyrystarynyń qorytyndysyna sáıkes ekeýi shartty túrde jaza aldy», - deıdi Petropavl qalalyq bilim bólimi basshysynyń mindetin atqarýshy Azamat Temirov.
Buǵan deıin Petropavldyń 20 jastaǵy turǵyny 10 jylǵa sottalǵanyn aıtqan edik.
Jigitti polıtseıler ustaǵan kezde odan asa iri kólemde sıntetıkalyq esirtki tabylǵan. Keıin jigittiń esirtki satatyn ınternet-dúkenniń «taratýshysy» ekeni anyqtaldy.
