Petropavlda kúzetshiler jasóspirimdi qaǵyp ketken skýter júrgizýshisin ustady
PETROPAVL. QazAqparat - Soltústik Qazaqstan oblysynyń kúzet qurylymdary jyl basynan beri 40-tan astam qylmystyń jolyn kesti, dep habarlaıdy QazAqparat.
Іshki ister departamenti baspasóz qyzmetiniń aqparatynsha, «Alarm-Cekıýrıtı» kúzet agenttiginiń ekıpajy kósheni patrýldeý kezinde jol-kólik oqıǵasynyń kýágeri boldy. Keshke Qazaqstan Konstıtýtsııasy men Egemen Qazaqstan kósheleriniń qıylysynda skýter júrgizýshisi jasóspirimdi qaǵyp ótip, qaship ketpek bolǵan. Kúzetshiler ony ustap, polıtsııa qyzmetkerlerine tapsyrdy. Skýter júrgizýshisiniń mas bolǵany anyqtaldy.
«Kúzetshilerdiń nysandarda qylmystardy boldyrmaıdy. Dabyl belgisi boıynsha jedel jetken kúzet agenttiginiń qyzmetkerleri dúkendegi kassa apparatyn urlamaq bolǵan áıeldi ustady. Taǵy bir joly kúzetshiler terezeni syndyryp dúkenge kirmek bolǵan er adamdy ustady», - dep málim etti SQO ІІD Kúzet qyzmetin baqylaý bólimi bastyǵynyń mindetin atqarýshy Oljas Saltaev.
Kúzetshiler 800-ge jýyq ákimshilik quqyq buzýshylyqty anyqtaýǵa kómektesti.
Qazir óńirde 71 kúzet qurylymy bar, sonyń ishinde 8 kompanııa qyzmetkerleri polıtsııamen birge kóshelerdi patrýldeýge shyǵady.
