Petropavlda kúzet qyzmeti qylmyskerlerdi ustaýǵa kómektesýde
PETROPAVL. QazAqparat - Soltústik Qazaqstan oblysynda 106 kúzet uıymy tirkelgen, dep habarlaıdy QazAqparat tilshisi.
Polıtsııa departamentiniń aqparaty boıynsha, byltyr kúzetshiler 53 qylmysty jáne 1 myńnan astam ákimshilik quqyqbuzýshylyqty áshkereleýge atsalysqan.
Taıaýda ǵana kúzetshiler shaqyrtýǵa 1,5 mınýttyń ishinde jetip, tóbelesip jatqan eki klıentti ajyratqan. Olar tóbeles kezinde taýarlar turǵan vıtrınany qıratqan.
Taǵy bir jaǵdaıda kúzetshiler dabyl júıesi iske qosylǵan nysanǵa barǵan jáne ol jerden turaqty mekenjaıy joq qańǵybasty tapqan. Biraq ony izdep-tabýǵa kúsh jumsaýǵa týra kelgen. Er adam nysandaǵy zattarǵa qol suǵýdy oılastyrmaǵan. Alaıda, formadaǵylardyń «Kúzet» qyzmeti degen sózinen abyrjyp, qosalqy bólmede jasyrynyp qalǵan.
«Kún saıyn 16 kúzet qurylymynyń 32 mobıldi toby kúzetiletin nysandarda tártipti saqtaý boıynsha jáne polıtsııanyń birikken kúshteri quramynda kezekshilikke shyǵyp, óz mindetterin atqarady. Oblysta 106 kúzet uıymy men montaj jáne dabyl júıesine qyzmet kórsetetin 50-den astam uıym, jeke tulǵa tirkelgen», - dep atap ótti kúzet qyzmetin baqylaý bóliminiń basshysy Samal Qasenova.
Avtory Olesıa Jýkoven
