Petropavlda qutqarýshylar jol-kólik apatynda jaraqattanǵan júrgizýshini kólikti kesip shyǵardy

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, 22 aqpan kúni túngi saǵat 1.51 mınýt ketkende «112» qutqarý qyzmetine Petropavldaǵy Jambyl jáne Pıoner kósheleriniń qıylysynda jol-kólik apaty bolǵandyǵy jóninde habar túsedi. Zardap shegýshige qutqarýshylardyń shuǵyl kómegi qajet bolǵan.

Oqıǵa ornyna SQO TJD órt sóndirý qyzmetiniń jedel-qutqarý jasaǵynyń qutqarý bólimshesi keldi. Jol-kólik apaty «Delfın» basseıniniń janynda bolǵan.

«Biz soqtyǵysqan eki kólikti kórdik. «VAZ» mashınasynyń júrgizýshisi aýyr jaraqat alyp, eseńgirep qalǵan eken. Ári kóliktiń esikteri buǵattalyp qalǵandyqtan ózdiginen shyǵa almaǵan. Men, Artem Savın, Evgenıı ıAzykov, Ilıa Babıchenko jáne Dıas Bostanov birden iske kiristik. Er adamdy kólikten jedel, ári qaýipsiz alyp shyǵý mindeti turdy. Er adamdy korsetpen jáne arnaıy «volokýsh» matamen aldyn ala orap, kóliktiń aldyńǵy arkalaryn kesip aldyq. Maıysqan metaldy syǵyp, zardap shegýshige zııan tıgizbeý úshin ony medıtsınalyq zembilge salyp, polıtsııa qyzmetkerleriniń kómegimen jedel medıtsınalyq járdemge berdik», - deıdi operatsııany júrgizgen qutqarýshylardyń biri Taır Mádıev.

Mamannyń aıtýynsha, operatsııa sanaýly mınýttarda júrgizildi, sebebi zardap shegýshiniń jaǵdaıy qutqarýshylardyń shuǵyl is-áreketine táýeldi edi.

«Qutqarýshylar jumys barysynda er adamdy psıhologııalyq turǵydan qoldady, onyń esinen tanýyna «jol bermedi». Búkil operatsııa birneshe mınýtqa sozyldy. Qazir er adam jansaqtaý bólimshesinde jatyr, aıaqqa turyp ketedi dep úmittenemiz», - deıdi qutqarý bólimshesiniń basshysy Nurbolat Aısın.

Buǵan deıin jol-kólik apatyna túsken ar adamnyń Ázerbaıjan azamaty ekenin aıtqan edik. https://kaz.inform.kz/news/petropavlda-azerbayzhan-azamaty-zhol-apatyna-tusip-auruhanaga-zhatkyzyldy_a3902544