Petropavlda qutqarýshylar turǵyndarǵa sý tasqyny qaýpin eskertti
ASTANA. QazAqparat - TJ basqarmasynyń qyzmetkerleri Petropavl qalasynyń jeke úıler alabynda kezekti sý tasqynyna qarsy reıd uıymdastyrdy. Bul týraly TJK baspasóz qyzmeti habarlady.
Qutqarýshylar daýys zoraıtqysh jáne qulaqtandyrý kóligimen Zarechnyı kentine, Bylǵary zaýyty, Et kombınaty aýdandaryna, saıajaı ýchaskelerine baryp keldi.
TJ mamandary úı-úıdi aralaý barysynda halyqty úı aýmaqtaryn, turǵyn úılerdi sý basý yqtımal ekendigin, tótenshe jaǵdaıǵa daıyn bolýy qajettiligi týraly eskertip, sý tasqyny kezeńindegi áreketterdi túsindirip, «112» qutqarý qyzmetiniń telefon nómirlerin eske túsirdi, taqyryptyq jadnamalar taratty.
Turǵyndar daýys zoraıtqysh baılanysy aryly sý deńgeıiniń tym kóterilýi nemese kelýi kezindegi júris-turys, sý basqan aýmaqtaǵy áreketter erejeleri týraly aqparat aldy.
Azamattyq qorǵaý organdarynyń ókilderi tıisti shaǵyn aýdandardyń turǵyndary úshin arnaıy belgilengen evakýatsııa oryndaryn aıtyp, sý tasqyny bolǵan jaǵdaıda tıisti kıim (rezenkeli bolǵany durys), aıaq-kim kııýge, qajetti qujattardy, aqsha, tamaq pen sý qoryn, dári qobdıshasyn, alǵashqy qajetti zattaryn alýǵa, sý, gaz, elektr qýatyn ajyratyp, peshti sóndirip, tereze men esikterdi jaýyp qaýipsiz jerge shyǵýdy keńes berdi.
Tótenshe jaǵdaılar vedomstvosynyń kúshteri men quraldary turaqty daıyndyq rejiminde tur, táýlik boıy oblystyq sý tasqynyna qarsy shtab, 52-25-29 «qaýyrt jeli» telefony jumys isteıdi, sý tasqyny qaýpine monıtorıngi júrgizilip, sý tasqynynyń saldaryn ýaqytyly joıý jáne aldyn alý boıynsha túrli sharalar qabyldanady.
