Petropavlda qutqarýshylar ózine qol jumsamaq bolǵan jigitti qutqardy

PETROPAVL. QazAqparat – Petropavlda qutqarýshylar 26 jastaǵy jigitti sýıtsıdten qutqardy, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, Petropavldaǵy №1 órt sóndirý bóliminiń mamandary 26 jastaǵy jigitti ózine qol jumsamaq bolǵan jerinen aman alyp qaldy.

Oqıǵa búgin tańǵy saǵat 8.00 shamasynda bolǵan. Qala turǵyndarynyń biri qutqarý qyzmetine habarlasyp, Pýshkın kóshesindegi úılerdiń birinde er adamnyń asylaıyn dep jatqanyn aıtqan.

Oqıǵa ornyna kelgen qutqarýshylar turǵyn úıdiń gaz qubyryna asylǵan er adamdy kóredi. Shalt qımyldap, eki metr bıikten jigitti sheship alyp, esin jıǵyzady. Birneshe sekýndqa keshikkende er adamdy qutqarý múmkin bolmas edi.

Jedel járdem qyzmeti jigitti aýrýhanaǵa jetkizdi.

Buǵan deıin SQO-da bıyl alty jasóspirimniń sýıtsıd jasamaq bolǵanyn aıtqan edik.