Petropavlda qutqarýshylar maıysqan kólikti kesip, jas jigitti alyp shyqty
PETROPAVL. QazAqparat – Petropavlda jol-kólik apaty bolyp, zardap shegýshini alyp shyǵý úshin qatty maıysqan kólikti kesýge týra keldi, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, 31 qazan kúni túngi saǵat 3.00 shamasynda Petropavldaǵy Qızatov kóshesinde eki kólik soqtyǵysyp, «Mersedes» mashınasyndaǵy 23 jastaǵy jigit aýyr dene jaraqatyn aldy.
Júrgizýshini maıysqan kólikten alyp shyǵý úshin mamandar deblokatsııa ádisin qoldandy. ıAǵnı zardap shegýshige shyny synyqtary nemese metall kesekteri túspeýi úshin ony kórpemen jaýyp, mashınany kesti. Tek 40 mınýttan keıin ǵana jigitti kólikten alyp shyqty.
«Bizge kelgenshe dárigerler zardap shegýshige sıstema qoıypty, ol aýyrsynǵannan aıqaılap jatty. Sol aıaǵy maıysqan kólikte qysylyp qalypty. Jigitke kómektesý úshin qolda bar arnaıy keskishterdi, domkrattardy qoldandyq. Áriptesterim tez, ári abaılap alyp shyǵýǵa tyrysty. Óıtkeni jigit aýyr jaraqat alǵan eken», - deıdi qutqarýshylardyń biri Nurbolat Aısın.
Birneshe synyq alǵan jigit jedel járdemmen birden aýrýhanaǵa jetkizildi. «Búginde jaǵdaıy qalypty», - deıdi mamandar.
