Petropavlda kúshti jel aǵashtardy qulatyp ketti

PETROPAVL. QazAqparat – Petropavlda birneshe kún qatarynan bolǵan aptap ystyqtan soń kúshti jel turyp, nóser jańbyr jaýdy. Daýyl qas-qaǵym sátte búkil qalanyń astań-kesteńin shyǵardy, dep habarlaıdy QazAqparat.

Qala ákimi Rýslan Ańbaev óziniń áleýmettik jelisindegi paraqshasyna jazba qaldyryp, qala turǵyndaryn saq bolýǵa shaqyrdy.

«Kúshti jel men nóser jaýynǵa baılanysty sizderden abaı bolýdy suraımyn, ásirese jolda saq bolyńyzdar! Kúshti jeldiń saldarynan aǵashtar men olardyń butaqtary synyp, qúlap jatyr. Elektr jaryǵy da jıi sónip qalýda. Mundaı jaǵdaıda Ikomek-109 ortalyǵyna habarlasý kerek. Aýa raıy durystalsa, daýyl men jaýynnyń saldarymen kúreske kirisemiz. Barlyqtaryńyzdy da saq bolýǵa shaqyramyn», -dep jazdy qala ákimi.

1 saǵattan aspaıtyn ýaqytta bolǵan daýyldyń saldarynan qansha shyǵyn kelgeni áli naqtylanady. Qala turǵyndary bolsa, áleýmettik jelilerge kólikter men dýaldarǵa qulaǵan aǵashtardy sýretterin jarııalap jatyr.

Olesıa Jýkoven