Petropavlda qurylysshy mamandarǵa suranys joǵary

PETROPAVL. QazAqparat – Petropavlda qurylysshy mamandar jetispeı jatyr. Eńbek naryǵyndaǵy suranysty qanaǵattandyrý úshin úsh aılyq kýrstar ashyldy, dep habarlaıdy QazAqparat tilshisi.

Petropavlda bos oryndar jármeńkesi ótti. Kelýshilerge 700-den astam bos jumys orny usynyldy. Sonyń 250-den astamy, ıaǵnı 36 %-y qurylys salasyna qajet.

««Qurylys salasyna qajet mamandar tapshy. Olar: tas qalaýshylar, aǵash ustalary, dánekerleýshiler, elektr-gaz dánekerleýshileri, santehnıkter, temir ustalary, sylaqshylar, tas qalaýshylar, t.b. Petropavlda qazir 20-dan

astam nysan turǵyzylyp jatyr. Sol sebepti jumysshylar qajet», - deıdi Petropavl qalalyq jumyspen qamtý bóliminiń ádiskeri Gúlmıra Ismaılova.

Bos oryndar jármeńkesine 18 kásiporyn men uıym qatysty. Eńbek naryǵyna qurylysshylardan basqa ónerkásipke 240 maman, densaýlyq saqtaý salasyna – 67, bilim berý salasyna – 60 jáne qyzmet kórsetý salasyna 89 adam kerek.

Jármeńkege jumys izdep júrgen 100-den astam adam qatysty. Olardyń 25-i sol jerde jumys berýshilermen áńgimelesýden ótti. 3 adam qurylys mamandyqtary boıynsha bilim alýǵa kýrsqa jazyldy.

«Petropavl qalalyq jumyspen qamtý bólimi qurylysshylardy daıarlaıtyn qysqa merzimdi kýrstar uıymdastyryp jatyr. Ol úsh aıǵa shaqtalǵan.

Oqýshylarǵa 20 myń teńge shákirtaqy tólenedi. Petropavl qurylys-ekonomıkalyq kolledjinde oqytylady. Kýrstan ótkennen keıin memlekettik úlgidegi sertıfıkat beriledi. Bul kýrstan ótkenderge ortalyq jumys taýyp, ornalastyrady», - deıdi Gúlmıra Ismaılova.