Qazaqstan quramasynyń júzýshileri AQSh-ta ótken týrnırde tórt medal enshiledi
ASTANA. KAZINFORM - Qazaqstan quramasynyń júzýshileri AQSh-ta ótken týrnırde tórt medal enshiledi, dep habarlaıdy QR Ulttyq olımpıadalyq komıteti.
Sportshylar Fýllerton qalasynda uıymdastyrylǵan jarysta sátti óner kórsetti.
Aıbat Myrzamuratov eki júldege qol jetkizdi. Ol 100 metrge brass ádisimen júzýde (1:03.33) márege birinshi bolyp jetti. Sonymen qatar 50 metrge erkin stılde júzýde (23.02) kúmis medal ıelendi.
200 metrge keshendi júzýde Danııl Chýjınov (2:09.20) kúmis júldeger atandy.
Artýr Mıronov 100 metrge brass ádisimen júzýde (1:03.76) úshinshi orynǵa ıe boldy.
Osyǵan deıin Qazaqstan hokkeı quramasy 2027 jyly álem chempıonatyn qaı qalada ótkizetini týraly jazdyq.
