Petropavlda Qurban aıt kúnderi mal bazary jáne qasaphana jumys isteıdi

PETROPAVL. KAZINFORM – Petropavlda Qurban aıt meıramyna oraı qurbandyq mal shalýǵa arnalǵan arnaıy oryn bólindi. 

Ol qalanyń shetindegi «Sadovod» bazaryna jaqyn Kosmanavt kóshesi, №2 jer ýchaskesinde ornalasqan. Qasaphana sanıtarlyq jáne ekologııalyq talapqa sáıkes daıyndalyp, barlyq jaǵdaı jasalǵan. Bul arnaıy bólingen orynda jeke adamdardyń mal satýlaryna da ruqsat etiledi.

Soltústik Qazaqstan oblysynyń bas ımamy Hamzat Ádilbekovtyń aıtýynsha, 6 maýsym kúni saǵat 06.00-de oblystaǵy barlyq meshitte Aıt namazy oqylady. Sodan keıin qurbandyq mal shalýǵa múmkindigi bar jáne nıet etken musylmandar 6-7-8 maýsym kúnderi qurbandyq mal shalady. 

– Qurbandyq maldy 8 maýsym kúni kún batqanǵa deıin soıýǵa bolady. Іri qara maldyń baǵasy 550 myń teńge, qoı – 70 myń teńge, jeti adam birigip iri qurban shalý 78 571 myń teńge dep bekitildi. Buǵan qasapshy eńbegi, bata jasaý, jiliktep paketke salý qyzmeti kiredi, - dedi Hamzat Ádilbekov. 

Buǵan deıin Bas múftı Naýryzbaı qajy Taǵanuly kásipkerlerge úndeý jasaǵanyn jazǵan edik.