Petropavlda kún saıyn 370 polıtseı men áskerı qyzmetshi kezekshilikke shyǵady
PETROPAVL. QazAqparat – «Dınamo» stadıonynda Petropavl garnızony polıtsııasynyń keshendi kúshteriniń kezekti garnızondyq taratýy bolyp, úsh tártip saqshysy «Іshki ister organdaryndaǵy minsiz qyzmeti úshin» medalimen marapattaldy, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavlda qoǵamdyq tártipti jáne jol qaýipsizdigin qamtamasyz etýge 113 baǵyt boıynsha 379 polıtseı men áskerı qyzmetshi shyǵady.
Tártip saqshylary saǵat 8.00-den 16.00-ge deıin jáne saǵat 15.00-den 23.00-ge deıin eki aýysymda qyzmet atqarady. Patrýl polıtsııa batalonynyń avtopatrýlderi qala kóshelerinde táýlik boıy kezekshilik etedi.
«Dınamo» stadıonynda Petropavl garnızony polıtsııasynyń keshendi kúshteriniń kezekti garnızondyq taratýy bolyp ótti. Keshki patrýlge shyǵatyn polıtseıler men áskerı qyzmetshiler barlyq sanıtarlyq normalardy saqtaı otyryp sapqa turdy.
Olarǵa ádettegideı baǵdar berilip, buıryqtar oqyldy jáne tapsyrmalar júkteldi. Óz qyzmetin asqan jaýapkershilikpen atqaryp júrgender eleýsiz qalmady.
Іshki ister mınıstriniń buıryǵymen Petropavl qalalyq polıtsııa basqarmasy ákimshilik polıtsııa bóliminiń bastyǵy Rústem Tasbolatovqa jáne SQO PD krımınaldyq polıtsııa basqarmasynyń bólim bastyǵy Asylbek Toqtamysovqa «polıtsııa podpolkovnıgi» kezekti arnaıy ataǵy berildi.
«Іshki ister organdaryndaǵy minsiz qyzmeti úshin» 2 dárejeli medalimen ýchaskelik polıtsııa ınspektory Serik Áýbákirov, patrýldik polıtsııa batalony vzvodynyń komandıri Erik Qusaıynov jáne dál osyndaı úshinshi dárejeli medalmen Petropavl qalalyq polıtsııa basqarmasynyń qyzmetkeri ıÝrıı Klykov marapattaldy.
Saptyq baıqaý barysynda SQO PD bastyǵynyń orynbasary Eńbek Sembın qyzmetkerlerdiń amýnıtsııasy men jarǵydan bilimderin tekserdi. Sondaı-aq, qalalyq jáne oblystyq patrýldik polıtsııa batalondarynyń qyzmettik avtokólikteriniń jaǵdaıy tekserildi.
Shara úrlemeli orkestrdiń súıemeldeýindegi saltanatty marshpen aıaqtaldy.
