Petropavlda kúmándi paket turǵyndardy dúrliktirdi
PETROPAVL. QazAqparat – Petropavldaǵy «Qazaqtelekom» ǵımaratynda tabylǵan ıesiz pakettiń saldarynan kelýshiler men qyzmetkerlerdi jappaı qaýipsiz jerge shyǵarýǵa týra keldi, dep habarlaıdy QazAqparat tilshisi.
Soltústik Qazaqstan oblysy Polıtsııa departamenti baspasóz qyzmetiniń málimetinshe, 102 -ge ǵımarattyń kirberisinde belgisiz qaraýsyz pakettiń jatqany týraly qońyraý shalynǵan. Oqıǵa ornyna «Qazaqtelekom» qyzmetkerleriniń shaqyrtýymen Petropavl qalalyq
Polıtsııa basqarmasynyń jedel-tergeý toby kelip, ǵımarattan dereý kelýshiler men qyzmetkerlerdi shyǵardy.
Arnaıy bólinis qyzmetkerleri men kınolog mamandar ǵımaratty tolyq tekserip shyǵyp, qaýipti zattardy tappady. Al kúmán týdyrǵan paketti jarylǵysh zattar boıynsha ınspektor-maman tekserip, onyń qaýipsiz
ekendigin anyqtady. Pakettiń ishinen telefon apparaty shyqty.
«Bul paketti kelýshilerdiń biri umytyp ketken bolýy kerek. Qazir mekeme qyzmetkerleri pakettiń ıesin anyqtaý úshin beınekameralardaǵy jazbalardy tekserip jatyr», - deıdi jedel-tergeý toby quramyndaǵy kezekshilikte bolǵan tergeýshi Kamıla Makına.
