Petropavlda qudyq tazalap jatqan úsh jumysshy ýlanyp, bireýi oqıǵa ornynda kóz jumdy
PETROPAVL. QazAqparat - Petropavlda 20 jastaǵy jumysshy qurylys nysanynda kóz jumdy, dep habarlaıdy Polisia.kz.
31 tamyz kúni Petropavl qalasynyń polıtsııa basqarmasyna Jambyl kóshesindegi qurylys nysandarynyń birinen úsh qyzmetkerdiń denesi tabylǵany týraly habar tústi.
Qurylys nysanynyń janyndaǵy sý qubyry qudyǵyn tazartyp jatqan 1994, 2002 jáne 2004 jyly týǵan úsh jumysshy býǵa ýlanǵany anyqtaldy.
Onyń biri - 20 jastaǵy jigit sol jerde qaıtys boldy.
Qalǵan eki adam qalanyń medıtsınalyq mekemesine jatqyzyldy.
Atalǵan fakti QR QK-niń 156-babynyń 3-bóligi boıynsha sotqa deıingi tergeýdiń biryńǵaı tiziliminde tirkeldi. Saraptama taǵaıyndaldy.
Іstiń mán-jaıyn anyqtaýǵa baǵyttalǵan tergeý júrip jatyr, onyń nátıjesi boıynsha túpkilikti sheshim qabyldanady.
Sondaı-aq jumystardy oryndaý kezinde óndiristik qaýipsizdik talaptaryn saqtaý boıynsha merdiger uıymdardyń kinási anyqtalady.
Foto: polisia.kz
