Petropavlda kýáligi joq júrgizýshi avtobýsty tizgindegen
PETROPAVL. QazAqparat - Petropavlda polıtseıler buryn mas kúıinde kólik júrgizgeni úshin kýáliginen aıyrylǵan avtobýs júrgizýshisin ustady, dep habarlaıdy QazAqparat tilshisi.
Oblystyq ishki ister departamentiniń baspasóz qyzmetinen málim etkendeı, 47 jastaǵy er adamdy vokzalmańy alańynda qujattardy tekserý kezinde anyqtaǵan. №19 baǵdarda júretin onyń júrgizýshi kýáligi bolmaı shyqty. Anyqtalǵandaı, kýáliginen maýsym aıynyń sońynda mas kúıinde rýlge otyrǵany úshin aıyrylǵan. Bul fakti týraly ol jumys ornyna aıtpaǵan.
Qujattardy tekserý kezinde avtobýstyń tehnıkalyq tekserý merzimi de ótip ketkeni anyqtaldy.
«Júrgizýshige qatysty hattama toltyryldy. Oǵan 10 AEK kóleminde ákimshilik aıyppul salynady. Mashına arnaıy aıyppul turaǵyna jetkizildi», - dedi jol-patrýldik polıtsııasy batalonynyń komandıri Azamat Keldeǵulov.
Baǵdarlyq avtobýsqa jaýapty jeke kásipker de jaýapqa tartylady. Polıtseıler eki kúnniń ishinde qoǵamdyq kólik júrgizýshileriniń jol erejesin buzýdyń 204 faktisin tirkedi. Olardyń basym bóligi rýlde telefon qoldanyp, jyldamdyqty asyrǵan jáne tehnıkalyq tekserýden ótpegen.
