Petropavlda kózine pyshaq kirip ketken bala esin jımastan qaıtys boldy

PETROPAVL. KAZINFORM – Soltústik Qazaqstan oblystyq kópbeıindi balalar aýrýhanasynda aýyr jaraqatpen jatqan 3 jasar sábı 2,5 aıdan keıin qaıtys boldy.

Bul týraly SQO Densaýlyq saqtaý basqarmasynyń baspasóz qyzmeti habarlady. Buǵan deıin jansaqtaý bóliminde jatqan bala 28 aqpan kúni kóz jumdy.

Esterińizge salaıyq, byltyr 19 jeltoqsanda Petropavlda 3 jasar balanyń sol jaq kózine pyshaq kirip ketti. 

Anasy dárigerlerge balanyń as bólmesinde oryndyqtan qulap, jaraqattanǵanyn aıtqan. Sábıge ashyq bas-mıynyń jaraqaty, aýyr dárejedegi mıdyń soǵylýy dıagnozy qoıyldy. Aýyr halde aýrýhanaǵa túsken bala sol qalpy esin jımady.

SQO Polıtsııa departamenti osy fakti boıynsha kámeletke tolmaǵan balany tárbıeleý jónindegi mindetterdi oryndamaý boıynsha sotqa deıingi tergeý bastady. Alaıda bir aptadan keıin, 25 jeltoqsanda qylmystyq is densaýlyqqa abaısyzda zııan keltirý babyna aýystyryldy.