Petropavlda kózine pyshaq kirgen balanyń isi jańa bap boıynsha tergelip jatyr
PETROPAVL. KAZINFORM – Petropavlda kózine pyshaq kirip ketken úsh jasar bala áli kúnge aýrýhanada jatyr.
Soltústik Qazaqstan oblystyq polıtsııa departamenti baspasóz qyzmetiniń málimetinshe, osy fakt boıynsha kámeletke tolmaǵan balany tárbıeleý jónindegi mindetterdi oryndamaý boıynsha sotqa deıingi tergeý bastaldy.
Alaıda, bir aptadan keıin, 25 jeltoqsanda qylmystyq is densaýlyqqa abaısyzda zııan keltirý babyna aýystyryldy.
Qazirgi ýaqytta tergeý júrgizilip jatyr. Іstiń mán-jaıy jan-jaqty zerttelip, onyń nátıjeleri boıynsha túpkilikti protsestik sheshim qabyldanbaq.
Esterińizge salaıyq, byltyr 19 jeltoqsanda oblystyq kópbeıindi balalar aýrýhanasyna pyshaq jaraqatyn alǵan 3 jasar bala túsken edi. Pyshaq náresteniń sol jaq kóz uıasyna kirip ketken.