Petropavlda Qojabergen jyraýǵa eskertkish ornatylady
PETROPAVL. QazAqparat - Petropavlǵa kireberis jerde Qojabergen jyraýǵa eskertkish ornatylatyn boldy, dep habarlaıdy QazAqparat tilshisi.
Óńirlik kommýnıkatsııalar qyzmetiniń aqparaty boıynsha, M.Qozybaev atyndaǵy Soltústik Qazaqstan memlekettik ýnıversıtetinde 18-ǵasyrda ómir súrgen batyr, aqyn jáne mýzykant Qojabergen jyraýdyń ómiri men qaıratkerligine arnalǵan kezdesý ótken.
Soltústikqazaqstandyq tarıhshylar atap ótkendeı, Qojabergen jyraýdyń esimi kóptegen jyldar boıy umytylyp, onyń shyǵarmashylyǵy zerttelmeı qalǵan.
«Soltústik Qazaqstan aýmaǵynda qazaq halqy dáriptegen esimder kóp emes. Biraq, Qojabergen jyraýdy bárimiz bilemiz. Qaladaǵy kóshege onyń esimi berilgen. Qazir onyń eskertkishi boı kóterip jatyr. Bul - bizdiń tanymal jerlesimiz. Ol halyqty bir jaǵadan bas, bir jeńnen qol shyǵarýǵa shaqyryp, jońǵarlarǵa qarsy turǵan adam», - dedi tarıh ǵylymdarynyń kandıdaty, arheolog Anatolıı Pleshakov.
2017 jyly soltústikqazaqstandyq tarıhshylar Súıindik batyrdyń qabirin tapqan. Ol «Jeti jarǵyny» jasaýǵa atsalysqan. Qojabergen jyraý Tolybaıulynyń dáýirinde ómir súrgen. Anatolıı Pleshakov atap ótkendeı, zırat Jambyl aýdanynan tabylǵan, biraq batyr týraly kóp nárse belgisiz. Qazir tarıhshylar ol týraly aqparat jınap jatyr.
