Petropavlda qosymsha ekpe pýnkteri ashyldy
PETROPAVL. QazAqparat – Petropavlda koronavırýsqa qarsy vaktsınatsııa júrgizý úshin qosymsha ekpe pýnkteri jumys isteı bastady. Olar adam kóp shoǵyrlanǵan saýda oryndarynda, sport saraıy men kitaphanada jumys isteıdi, dep habarlaıdy QazAqparat tilshisi.
Soltústik Qazaqstan oblysy Densaýlyq saqtaý basqarmasynyń málimetinshe, Petropavlda 28 sáýirden bastap «CITY MALL» saýda ortalyǵynda ekpe pýnkti ashyldy. Bul jerde №3 qalalyq emhananyń brıgadasy Covid-19-ǵa qarsy vaktsına egedi. Ekpe orny tańerteńgi saǵat 10.00-den 21.00-ge deıin kúndelikti merekelerge qaramaı jumys isteıdi.
Budan basqa №1 qalalyq emhananyń brıgadasy «Altyn Arman» saýda ortalyǵynda, S.Muqanov atyndaǵy oblystyq ámbebap ǵylymı kitaphanada, A.Vınokýrov sport saraıynda jumys istemek. Bul jerde jyljymaly ekpe pýnktteri saǵat 10.00-den 15.00-ge deıin qabyldaıdy.
«Qosymsha jalpy sany 9 ekpe pýnkti ashyldy. Saýda ortalyqtary men kitaphanadan bólek medıtsınalyq kolledjde, Petropavl qurylys-ekonomıkalyq kolledjinde, Jastar saraıynda, halyqqa qyzmet kórsetý ortalyǵynda, otbasylyq densaýlyq ortalyǵynda jumys istep jatyr. Bul jyljymaly ekpe pýnktteri saǵat 18.00-ge deıin qabyldaıdy. Ekpe emhanaǵa tirkelmegen turǵyndarǵa, shetel azamattaryna da qoıylady. Tek ózimen birge jeke kýáligi bolsa jetkilikti», - deıdi SQO Densaýlyq saqtaý basqarmasynyń baspasóz hatshysy Gúlnar Qalıeva.
Turǵyndar tańdaý boıynsha eki vaktsınany – otandyq «QazVac»-ty nemese reseılik «Spýtnık V» preparatyn.
Buǵan deıin otandyq vaktsınany 500-ge jýyq SQO turǵyny saldyrǵanyn jazǵan edik.
