Petropavlda kósheler men aýlalardy jóndeý jumystary júrip jatyr
PETROPAVL. QazAqparat - Petropavlda Rabochıı kentinde kósheler men jol jóndeledi, dep habarlady «QazAqparat» HAA tilshisi qala ákiminiń baspasóz qyzmetine silteme jasap.
Qazir qalanyń 8 kóshesinde ortasha jóndeý jumystary júrgizilýde. Osyndaı jumys túrin qalalyq 11 magıstralda júrgizý josparlanýda. 50 kósheniń - 25,1 myń sharshy metr alańynda oıyq, shuńqyrlardy jóndeý josparlanǵan.
TKSh bólimi avtomobıl joldary sektory meńgerýshiniń mindetin atqarýshy Ǵalı Ábdirashevtiń aqparatyna sáıkes, osy jyly 40 shaqyrym - 70 kóshege qıyrshyq tas tóseý kózdelgen. Aýlaishilik jóndeýdi qajet etetin 99 aýla anyqtaldy. 18 myń sharshy metr jaıaý júrginshilerge arnalǵan joldy jóndeýdi josparlap otyrmyz.
«Sý tasqyny kezinde sý shaıǵan joldardy jóndeý úshin joba-smetalyq qujattar ázirlenýde. Sondaı-aq bıyl qala boıynsha shamamen 40 aıaldama pavılony jáne bes qıylysqa zamanaýı baǵdarsham ornatý josparlanýda», - dep atap ótti Ábdiráshev.
2017 jyly Petropavlda jol jóndeýge qalalyq bıýdjetten 1 mıllıard 820 mıllıon teńge bólindi.
