Petropavlda kóshege «bomba qoıǵan» er adam ustaldy
ASTANA. QazAqparat - Petropavlda úlken kóshelerdiń birinde bomba qoıylǵanyn aıtyp, polıtsııaǵa jalǵan habar bergen er adam ustaldy, dep habarlaıdy QazAqparat tilshisi.
«102» nómirine belgisiz er adam qońyraý shalyp, Petropavl qalasyndaǵy Qazaqstan Konstıtýtsııasy kóshesinde bomba qoıylǵany, onyń saǵat tańǵy altyda jarylatyny týraly habar bergen. Dabyl belgisi boıynsha barlyq jaýapty qyzmetter jumyldyryldy. Qyzmetkerler atalmysh kóshege shyǵyp, eshqandaı jarylǵysh zattyń joǵyn anyqtady», - dep habarlaıdy SQO Polıtsııa departamentiniń baspasóz qyzmeti.
Polıtsııa departamentiniń ekstremızmge qarsy kúres basqarmasy men qalalyq qylmystyq polıtsııa bólimi kúsh biriktire otyryp, jalǵan habar bergen er adamdy ustady. Qońyraý shalǵan - buryn sottalǵan Petropavl qalasynyń turǵyny bolyp shyqqan.
«Atalmysh oqıǵa boıynsha QR Qylmystyq Kodeksiniń 273-baby (Terrorızm aktisi týraly kórineý jalǵan habarlaý) boıynsha sotqa deıingi tergeý amaldary bastaldy. Kúdiktiniń aıyby dáleldengen jaǵdaıda ol 5 jylǵa deıin bas bostandyǵynan aıyrylýy múmkin.
Osyǵan deıin Soltústik Qazaqstan oblysynda eki jyl burynǵy qylmys áshkerelengendgi týraly jazdyq.
