Petropavlda kósheden tabylǵan 2 jasar balanyń týystary izdestirilip jatyr
PETROPAVL. QazAqparat – Petropavlda polıtseıler men volonterler kósheden tabylǵan shamamen 2 jasar balanyń týǵan-týystaryn izdestirip jatyr, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, saǵat keshki 20.00 shamasynda Petropavldaǵy Jumysshy kentiniń kóshesinde jalǵyz júrgen sábıdi turǵyndardyń biri baıqap qalady.
Áke-sheshesi jaqyn mańnan kórinbegendikten ekilerdegi er balany patrýldi polıtsııa batalonynyń qyzmetkerlerine tapsyrady.
ıÝvenaldy polıtsııa qyzmetkerleri balany kıindirip, tamaqtandyrdy. Qazir sábı oblystyq balalar aýrýhanasynda.
Polıtseıler men volonterler onyń týǵan-týystaryn izdestirip jatyr.
«Balanyń týǵan-týystary jaıynda qandaı da bir málimeti bar turǵyndardy 39-48-65 nómirine nemese «102-ge» habarlasýdy suraımyz. Kámelet jasyna tolmaǵan balanyń zańdy ókilderi Qazaqstan Respýblıkasynyń zańdaryna sáıkes balaǵa qamqorlyq jasaýdy, bilim, tárbıe berýdi, onyń quqyqtary men múddelerin qorǵaýdy júzege asyrady. Óz mindetterine durys qaramaǵandar ákimshilik jaýapkershilikke tartylady, tipti ata-ana quqyǵynan da aıyrylýlary múmkin», - deıdi Petropavl qalalyq ıývenaldyq polıtsııa bóliminiń bastyǵy Elmıra Abýsheva.
