Petropavlda kóshe beınekameralary 4 myńǵa jýyq jolda júrý erejesin buzý deregin tirkedi
PETROPAVL. QazAqparat – Petropavlda kóshedegi beınekameralar 4 myńǵa jýyq jolda júrý erejesin buzý deregin tirkese, sonyń 3,5 myńǵa jýyǵy toqtaý syzyǵynan ótip ketýge qatysty, dep habarlaıdy QazAqparat tilshisi.
Soltústik Qazaqstan oblysynda Polıtsııa departamenti baspasóz qyzmetiniń málimetinshe, Petropavlda jol qozǵalysy qaýipsizdigin polıtsııanyń 26 avtopatrýli jáne 410 beınebaqylaý kameralary qamtamasyz etedi.
Patrýldik polıtsııa qyzmetkerleri tikeleı «jelide» jumys istese, Jedel basqarý ortalyǵynyń ınspektorlary jaǵdaıdy baǵandarǵa, úılerdiń shatyrlaryna ornatylǵan kameralar arqyly baqylaıdy. Patrýlder men beınebaqylaý ınspektorlarynan basqa jolda júrý erejelerin buzý derekterin avtomattandyrylǵan júıe tirkeıdi. Qazirgi ýaqytta oblys ortalyǵynda osyndaı jeti avtomattandyrylǵan júıe jumys isteıdi.
SQO PD Ákimshilik polıtsııa basqarmasy bastyǵynyń mindetin atqarýshy Nazar Baımatovtyń sózinshe, úsh «Integra» júıesi Astana-Internatsıonal, Nazarbaev-Abaı, Jambyl-Internatsıonal kósheleriniń qıylystarynda ornatylǵan. Bul júıe baǵdarshamnyń tyıym salynǵan túsine jáne toqtaý syzyǵynan ótip ketý faktilerin tirkeıdi. Tórt «Mıraj» júıesi Ǵabıt Músirepov-Jambyl, Kárim Sútishev-Jumabaev, Jambyl-Partızan jáne Nazarbaev-Internatsıonal kósheleriniń qıylystaryna ornatylǵan. «Mıraj» júıesi baǵdarshamnyń tyıym salynǵan túsine ótip ketý jáne jyldamdyq rejımin buzýdy tirkeıdi.
Jyl basynan baqylaý-ólsheý qurylǵylary jol júrisi erejeleriniń 3786 buzýshylyǵyn tirkedi. Onyń 3340-y toqtaý syzyǵynan shyǵyp ketý, 436-sy jyldamdyq rejımin buzý, 10-y baǵdarshamnyń tyıym salynǵan túsine ótip ketý.
