Petropavlda koronavırýsqa baılanysty balabaqsha ýaqytsha jabyldy
PETROPAVL. QazAqparat – Soltústik Qazaqstan oblysynda ótken táýlikte koronavırýs juqtyrǵan taǵy bir adam tabyldy, dep habarlaıdy QazAqparat tilshisi.
COVID-19 33 jastaǵy Petropavl turǵynynan anyqtalǵan. Áıel juqpaly aýrýlar statsıonaryna jatqyzyldy. Onyń dene qyzýy kóterilip, álsirep, tamaǵy aýyrǵan.
«Úıde baılanysta bolǵan 5 adam anyqtaldy. Solardyń ishinde tórteýi jaqyn týysy bolsa, bireýi jaqyn qatynasta bolýy múmkin. Epıdemıologııalyq tergeý barysynda ınfektsııany kúıeýi juqtyrǵany anyqtaldy. Ol 25-30 mamyr aralyǵynda oblystan tysqaryda bolǵan. Úıine kelgen soń álsirep, qyzýy kóterilgen. Úıinde emdelgen. Aýrý juqtyrǵandar arasynda 3 jasar bala bolǵan. Barlyǵy ınfektsııalyq statsıonarǵa jatqyzyldy. Naýqastardyń jaǵdaıy qanaǵattanarlyq. Bekitilgen hattamaǵa sáıkes em qabyldap jatyr», - dep habarlady qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy Áset Jumataev.
Búldirshin balabaqshaǵa barǵan. Balabaqshada 23 adammen qatynasta bolǵany, sonyń ishinde 18 balanyń bir topta bolǵany anyqtaldy. Barlyǵynan taldama alyndy. Balabaqsha qyzmeti 14 táýlikke toqtatyldy.
