Petropavlda kópqabatty úılerdiń 82 paıyzy qysqa daıyn emes

PETROPAVL. QazAqparat – Petropavlda kópqabatty turǵyn úılerdi qysqa ázirleý ázirge baıaý júrgizilip jatyr. Myńnan astam baspana bolsa, sonyń ár besinshisi ǵana osy ýaqytqa tıisti jumysty atqaryp, qujattaryn alǵan, dep habarlaıdy QazAqparat tilshisi.

Petropavl ákimdigi baspasóz qyzmetiniń málimetinshe, oblys ortalyǵynda 1135 kópqabatty turǵyn úı bar.

Onyń barlyǵy tamyz aıynyń sońyna deıin daıyfndyq qujatyn alýlary tıis.

«Birinshi kezekte biz turǵyndardy eskertemiz. Turǵyndarǵa páterlerindegi batareıalaryn aýystyryp, jóndeýge bir aı ýaqyt berdik. Qazir jylytý júıesin jýyp-shaıyp tazartyp qoıdyq. Bıyl bizdiń múlik ıeleri birlestigine qaraıtyn úsh úıde boılerdi aýystyrdyq. Olar apattyq jaǵdaıda turǵan edi. ıAǵnı, qysqa saqadaı saı daıynbyz», - deıdi «Internatsıonal, 33» múlik ıeleri birlestiginiń tóraǵasy Gúlnara Káribaeva.

Petropavl qalasy boıynsha qazir 200 kópqabatty úı, ıaǵnı 18% ǵana jylytý júıesin jýyp-tazalap qoıdy.

Alda áli 1,5 aı bar.

«Qazir negizinen jóndeý jumystary júrgizilýde, sol sebepti daıyndyq keshiktirilip jatyr. Jylytý júıesin sapaly túrde jýyp, qysymmen tekserýdiń mańyzy zor. Qysta másele týyndamaıdy. Ádette júıede úsh atmosfera bolady, tekserý barysynda ony eki ese arttyrady. 30 mınýt ishinde qysym qalypty bolyp, ózgermese júıeniń tekseristen ótkeni. Keıin birden qysqa daıyndyq qujaty beriledi. Tamyz aıynyń sońyna deıin bul jumysty aıaqtaý qajet», - deıdi Petropavl qalasy ákimdiginiń turǵyn úı ınspektsııasy bóliminiń mamany Erbolat Muhamedjanov.