Petropavlda kópqabatty úıdiń shatyry opyrylyp tústi
PETROPAVL. QazAqparat - Petropavlda qalyń qar saldarynan bes qabatty úıdiń shatyry opyrylyp tústi, dep habarlaıdy QazAqparat tilshisi.
Soltústik Qazaqstan oblystyq Tótenshe jaǵdaılar departamentiniń baspasóz qyzmetiniń habarlaýynsha, oqıǵa búgin, túski saǵat 12.30 shamasynda bolǵan.
«112» telefon nómirine Bolatbaev kóshesindegi, 28 úıdiń shatyry qulaǵany týraly aqpar tústi. Tótenshe jaǵdaı ornyna departamenttiń basshylyq quramy, «Órt sóndirý jáne apattyq-qutqarý jumystary» MM-niń jáne «Jedel qutqarý jasaǵy» MM-niń jeke quramy, Petropavl qalalyq TJ basqarmasynyń mamandary, Polıtsııa departamentiniń, qalalyq ákimdiktiń ókilderi - barlyǵy 31 adam, 10 tehnıka jetti. Tártip saqshylary qaýipti aımaqty qorshaýǵa aldy», - delingen aqparatta.
Mamandardyń aıtýynsha, 1983 jyly salynǵan bes qabatty úıdiń shatyry jınalǵan qardyń salmaǵyn kótere almaı opyrylǵan. Jalpy aýmaǵy - 50 sharshy metr. Qaza tapqandar men zardap shekkender joq. Páterlerge zaqym kelmegen. Qazir shyǵyn kólemi eseptelip jatyr.
