Petropavlda kópqabatty úıdiń qabyrǵasynda Jambyl beınelengen panno paıda boldy
Jambyl Jabaevtyń sýreti salynǵan panno jyr alybynyń esimin ıelengen kóshede alystan menmundalaıdy.
Ol «Jas órken» yqshamaýdanynda ornalasqan kópqabatty úılerdiń biriniń qabyrǵasyna qalanǵan.
Bul panno da buǵan deıin Petropavlda paıda bolǵan Abaıdyń portreti sııaqty erekshe ádispen – keramıkalyq mozaıkadan qurastyrylyp jasalǵan.
Portrettiń avtory - Petropavl qalasynyń týmasy, Qazaqstan Sýretshiler odaǵynyń múshesi Bolat Áserbekov.
«Ár plıtkanyń óz nómiri bar. Ol tómennen kórinbeıdi. Ony tipti aýdaryp qoıýǵa da bolmaıdy, óıtkeni, kúnge basqasha shaǵylysatyn bolady. Plıtkalardy bir aı boıy qabyrǵaǵa asylyp, pazl sııaqty jınadyq. Bul materıaldyń biregeıligi – tozbaıdy. Ol jańbyr men sýyqqa tózimdi. Arheologııalyq jumys júrgizgende ydys-aıaqtyń keramıkalyq bólshekteri tabylyp jatady ǵoı, bul da sol sııaqty, 830 gradýs ystyqta qataıtylǵan. Plıtkalardy 7-8 aı boıy ázirledik. Óıtkeni, onyń nıýansy kóp. Keıin kúıdirý kerek, mendegi pesh táýligine 5 sharshy metrdi ǵana daıyndaı alady», - deıdi Bolat Áserbekov.
Panno 200 sharshy metrdeı aýmaqqa ornalastyrylǵan.
Keramıkalyq mozaıkany jergilikti mamandar almatylyq brıgadırdiń jetekshiligimen qurastyryp shyqty.
«Jalpy osyndaı panno qurastyrý ıdeıasy Maǵjanmen baılanysty týdy. Men osy óńirde týǵandyqtan bul aqynǵa degen qurmetim zor. Meniń pikirimshe, eń aldymen shaharda Maǵjannyń beınesi paıda bolýy tıis edi. Sondyqtan mende jospar bar, daıyn joba bar. Ákimdik qoldasa jasap shyǵýǵa ázirmin», - deıdi sýretshi.
