Petropavlda kómekke zárý zeınetkerlerge 10 tonna un taratady
PETROPAVL. QazAqparat - Petropavlda áleýmettik áriptestik aıasynda qalany damytý qory arqyly 10 tonna un bólindi. 25 kelilik un qapshyǵyna kómekke muqtaj 400 zeınetker ıe bolmaq.
«1 qazanda Petropavl qalasy boıynsha qarııalar men múgedekterdi qoldaý boıynsha aılyq bastaldy. Jalǵyz turatyn zeınetkerler men múgedekter azyq-túlikke ıe bolady. Áleýmettik seriktestik aıasynda qalany damytý qory arqyly 10 tonna un bólindi», - dedi Petropavl qalasynyń eńbekpen qamtý jáne áleýmettik baǵdarlamalar bóliminiń ardagerler jáne múgedektermen jumys boıynsha sektordyń meńgerýshisi Álıma Beknazarova.
