Petropavlda kolledj stýdentin pyshaqtap ketti
PETROPAVL. KAZINFORM – Petropavlda 17 jastaǵy jasóspirim janjal barysynda pyshaq jaraqatyn aldy.
Soltústik Qazaqstan oblysy polıtsııa departamenti baspasóz qyzmetiniń málimetinshe, oqıǵa búgin bolǵan.
Petropavldaǵy kolledjderdiń biriniń jataqhanasynda oqýshylar spırttik ishimdik iship, arty janjalǵa ulasqan.
Saldarynan 17 jastaǵy jasóspirim qolynan pyshaq jaraqatyn alǵan.
«Urys-keris qurdastar arasynda shyqqan. Olardyń barlyǵy birinshi kýrs oqýshylary. Qazirgi ýaqytta Petropavl qalasy polıtsııa basqarmasy ıývenaldy polıtsııa bóliminiń qyzmetkerleri istiń mán-jaıyn anyqtap jatyr. Bolashaqta osyndaı faktiler qaıtalanbas úshin barlyq tıisti shara qoldanylady. Qazirgi ýaqytta sot-medıtsınalyq saraptama júrgizilip jatyr, onyń qorytyndysy boıynsha protsessýaldyq sheshim qabyldanady», — delingen baspasóz habarlamasynda.
