Petropavlda kolledj stýdenti asýly kúıinde tabyldy

PETROPAVL. QazAqparat – Petropavldaǵy qurylys-ekonomıkalyq kolledjiniń stýdenti óz-ózine qol saldy. Polıtsııa «sýıtsıd» babymen is qozǵady, dep habarlaıdy QazAqparat tilshisi.

Búgin Petropavldaǵy qurylys-ekonomıkalyq kolledj ǵımaratynyń mańynan asylyp turǵan jigittiń denesi tabyldy. Ol osy oqý ornynda «qurylysshy» mamandyǵyna oqyp jatqan 1-kýrs stýdenti bolyp shyqty. Kolledj ákimshiligi málimetti rastady.

Kýágerlerdiń aıtýynsha, jigit túnde spırttik ishimdik ishken. Al tańǵy saǵat 8.00 shamasynda onyń denesi anyqtaldy.

Soltústik Qazaqstan oblysy Polıtsııa departamenti baspasóz qyzmetiniń málimetinshe, 4 mamyr kúni Nazarbaev kóshesi, 262 mekenjaıyndaǵy kolledjde 19 jastaǵy stýdenttiń múrdesi tabyldy. Oqıǵa ornyna polıtsııa qyzmetkerleri bardy. Sýıtsıd deregi QR Qylmystyq kodeksiniń 105-baby boıynsha Sotqa deıingi tergep-tekserýlerdiń biryńǵaı tizilimine engizildi. Tıisti saraptama júrgiziledi.