Petropavlda kólik jol shetinde turǵan júrginshini qaǵyp ketti
PETROPAVL. QazAqparat – Petropavldaǵy kóshe qıylystarynyń birinde jol apaty tirkelip, kólik júrgizýshisi baǵdarshamnyń tap qasynda turǵan júrginshini qaqty, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, oqys oqıǵa keshe 31 qańtar kúni keshki saǵat 17.30 shamasynda bolǵan. Jambyl jáne Bóketov kósheleriniń qıylysynda sol jaqqa burylmaq bolǵan «VAZ-21120» avtokóliginiń 20 jastaǵy júrgizýshisi týra kele jatqan «Mercedes» kóligine jol bermegen. Saldarynan «Mercedes» kóligindegi Petropavl qalasynyń 22 jastaǵy turǵyny soqtyǵysýdan qashyp, kólikke ıe bola almaı, jol shetinde turǵan júrginshini jáne sol jerde turǵan «Toyota Vista» mashınasyn soqty.
Jol apatynda zardap shekken júrginshini jedel járdem qyzmetkerleri №3 qalalyq aýrýhananyń jaraqat bólimine jetkizdi. Dárigerlerdiń medıtsınalyq kómeginen keıin ol úıine jiberildi.
«VAZ-21120» jáne «Mercedes» avtokólikteri Petropavl qalalyq patrýldik polıtsııa batalonynyń arnaıy turaǵyna jetkizildi. Materıal jınalyp, protsessýaldy sheshim shyǵarý úshin Petropavl qalalyq polıtsııa basqarmasynyń ákimshilik polıtsııa bólimine jiberildi.
