Petropavlda kólik aıaldamaǵa soǵyldy, balalar zardap shekti
PETROPAVL. QazAqparat - Petropavlda avtokólik aıaldamaǵa soǵyldy. Saldarynan alty adam, sonyń ishinde úsh bala zardap shekti, dep habarlaıdy QazAqparat tilshisi.
Oqıǵa jeksenbi kúni saıajaı alabynda boldy. Oblystyq Іshki ister departamentiniń baspasóz qyzmetinde faktini rastady. Sondaı-aq «Toyota krown» júrgizýshisi kólik rýline ıe bola almaı, aldymen «Ladaǵa», sonan soń aıaldamaǵa baryp soǵylǵanyn málim etti.
«Jol apaty faktisi Sotqa deıingi tergep-tekserýlerdiń biryńǵaı tizilimine engizildi. QR Qylmystyq kodeksiniń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha qylmystyq isti tergeý aıasynda birqatar saraptamalar belgilendi. Júrgizýshige qatysty bultartpaý sharasyn qoldaný máselesi sheshilip jatyr. Qoldanylǵan shara týraly qosymsha habarlanady», - dedi baspasóz qyzmetiniń ókilderi.
Zardap shekkenderdiń úsheýi - balalar. Jeńil jaraqat alǵan ekeýi úıine jiberildi. Ortan jiligi synǵan 8 jastaǵy bala oblystyq balalar aýrýhanasynda jatyr. Onyń jaǵdaıy «ortasha aýyr» dep baǵalanýda.
