Petropavlda kóligine beıádep sóz jazǵan júrgizýshi jazalandy
ASTANA. QazAqparat - Petropavl qalasynda kóliginiń nómirine beıádep sóz jazyp alyp, qala ishinde júıtkip júrgen júrgizýshige qatysty tártip saqshylary shara qoldandy, dep habarlaıdy «QazAqparat» HAA tilshisi.
Bul týraly SQO ІІD-niń baspasóz qyzmetinen habarlaıdy. 20 jastaǵy jigit normatıvten tys beıádep sózdi Toyota Mark II kóliginiń nómirine jazyp alyp, qala ishinde júrgen. Buny baıqap qalǵan jol saqshylary sheteldik kólikti toqtatyp, júrgizýshige qatysty eki ákimshilik hattama toltyrdy. Kólik nómirindegi zań buzýshylyqpen qosa, sheteldik kóliktiń tehnıkalyq ahýaly nashar bolǵan. Atap aıtqanda, kóliktiń aldyńǵy jaryq shamdary janbaı, bamperi joq bolǵan.
«Tirkelgen memlekettik nómirdiń belgilengen sandyq ári áriptik belgisi bolady. Standarttan tys nómir taǵyp júrgender jaýapqa tartylady. Olardyń isi júrgizýshi kýáliginen aıyrýǵa deıingi jaza boıynsha sotta qaralýy múmkin», - deıdi SQO ІІD-niń tirkeý jáne emtıhan jumysy bóliminiń bastyǵy Sergeı Gızbreht.
