Petropavlda kól ortasynda qalǵan 3 adam qutqaryldy
PETROPAVL. QazAqparat - Petropavlda 3 adam sýǵa kete jazdady, dep habarlaıdy QazAqparat tilshisi.
Soltústik Qazaqstan oblystyq tótenshe jaǵdaılar departamenti baspasóz qyzmetiniń aqparaty boıynsha, aýa raıynyń ystyq bolýyna baılanysty qaladaǵy jaǵajaılarda adamdar kóp. Qutqarýshylar erekshe rejımde jumys istep jatyr.
Qutqarýshy Almas Jakın Pestroe kólinen 17 jastaǵy eki jasóspirimge kómektesip úlgergen. Jas petropavldyqtar kólde katamaranmen júzip júrgen. Qutqarýshylar olarǵa birneshe ret jaǵajaıdan alysqa júzbeýlerin eskertken. Demalýshylar A.Jakınniń sózine qulaq aspaı, alysqa ketip qalǵan. Sosyn katamarannan tehnıkalyq aqaý shyǵyp, olar jaǵaǵa jete almaı qalǵan.
«Osy kúni Ertis ózeniniń qaladaǵy jaǵajaıynan 40 jastaǵy er adam qutqaryldy. Zardap shegýshi sýdaǵy belgilengen belgiden asyp ketip, bulshyqeti tartylyp qalǵan. Ol kómekke shaqyra bastaǵan. Bas qutqarýshy Dmıtrıı Voıtenko ony jaǵajaıǵa jetkizgen. Qutqarýshy - medbıke Mýrshıda Oboznova oǵan medıtsınalyq kómek kórsetti», - dedi baspasóz qyzmetinen.
Jyl basynan beri qutqarýshylar sýǵa aǵyp bara jatqan 32 adamdy, sonyń ishinde 17 balany qutqaryp qalǵan.
