Petropavlda kóktaıǵaqtyń kesirinen 63 adam jaraqat aldy

Petropavlda sońǵy úsh kúnde jaraqat alǵandardy sany artty. Qalalyq kópbeıindi aýrýhananyń travmatologııa bólimine osy aralyqta 180 adam qaralǵan, ár úshinshisi dalada taıyp qulap jaraqattanǵan, dep habarlaıdy Kazinform. 

Aýa raıynyń ózgerýine baılanysty sońǵy úsh kúnde kóshede qulap, jaraqattanǵandardyń sany ósti.

Senbiden bastap osy kúnge deıin Petropavldaǵy kópbeıindi aýrýhananyń jaraqat pýnktine 180 adam kelgen.

Onyń 63-i kóktaıǵaqtyń saldarynan zardap shekken.

Basym bóligi — egde jáne orta jastaǵylar.

«Negizinen qoldyń basy, bilezik súıekteri, jilinshik synǵan. Iyqtary shyǵyp ketken. Sońǵy túskenderdi aýrýhanaǵa jatqyzdyq, olardyń jilinshikteri synyp, taban súıekteri shyǵyp ketken. Syrqattarǵa ota jasaldy. Taǵy bireýiniń jambasy synǵan», — deıdi travmatologııalyq pýnktiń meńgerýshisi Valerıı Grıbashov.

Qalǵandaryna alǵashqy medıtsınalyq kómek kórsetilip, gıps salynyp, ambýlatorlyq em alýǵa úılerine jiberildi. Olar endi aldaǵy 1-1,5 aıdy úıde ótkizedi.

«Kóktaıǵaq bolǵandyqtan saqtyq sharalaryn ustaný qajettigin kópshilik esten shyǵarady. Ádettegideı asyǵady. Biri jumysqa keshigem dep, endi biri avtobýsqa asyqqan. Desek te osy úsh kúnde jol-kólik oqıǵalarynda zardap shekkender túsken joq», — deıdi Valerıı Grıbashov.

Buǵan deıin Petropavlda kommýnaldyq qyzmetterdiń kúsheıtilgen jumys tártibine kóshkenin aıtqan edik.